மதிமுகவினர் ஆர்ப்பாட்டம் நடத்தினர்

பள்ளிபாளையம் பேருந்து நிறுத்த பகுதியில், மதிமுக மற்றும் பொதுநல அமைப்புகள் சார்பில் ஆர்ப்பாட்டம் நடைபெற்றது. ஆர்பாட்டத்திற்கு ரமேஷ் தலைமை தாங்கினார் . இந்த ஆர்ப்பாட்டத்தில் சட்டவிரோதமாக பள்ளிபாளையம் குமாரபாளையம் பகுதிகளில் 200-க்கும் மேற்பட்ட சாயப்பட்டறைகள் செயல்பட்டு வரும் நிலையில் அனுமதி பெறாமல் முறைகேடாக இயங்கும் சாய ஆலைகளில் இருந்து, இரவு நேரத்தில் சாக்கடை கால்வாய் வழியாக கழிவு நீர் வெளியேற்றப்படுவதால் காவிரி ஆறு மாசுபட்டு வருகிறது. எனவே பள்ளிபாளையம் குமாரபாளையம் பகுதியில் முழுவதும் தொடர்ந்து சாயக் கழிவுகளை வெளியேற்றி ,காவிரி ஆற்றை மாசு படுத்தி வரும் சாயப்பட்டறைகள் மீது நடவடிக்கை எடுக்காமல் மௌனம் காக்கும் தமிழ்நாடு மாசு கட்டுப்பாட்டு வாரியத்தை கண்டித்தும் ஆர்ப்பாட்டத்தில் கலந்து கொண்டவர்கள் கொட்டும் மழையையும் பொருட்படுத்தாமல் குடை பிடித்து படியே கண்டன கோஷங்களை எழுப்பினர்.