டவுன் பஸ் இயக்க கோரிக்கை

திருமயம்: அரிமளம் ஒன்றியத்தில் 32 கிராமஊராட்சிகள் உள்ளன. அரிமளத்தில் பேரூராட்சி அலுவலகம், ஊராட்சி ஒன்றியம், வட்டார கல்வி அலுவலகம், வட்டார வள மையம், ஊட்டச்சத்து அலுவலகம், வனத்துறை, வேளாண்மை உட்பட பல்வேறு அலுவலகங்கள் உள்ளன. இவற்றுக்கு தினமும் பல்வேறு பணிகள் நிமித்தமாக நூற்றுக்கணக்கானோர் வந்து செல்கின்றனர். ஆனால், அரிமளத்தில் இருந்து ஏம்பலுக்கு நேரடியாக டவுன் பஸ் வசதி கிடையாது. கே.புதுப்பட்டி வந்து 2 பஸ் கள் மாறி செல்ல வேண்டியுள்ளது. இதற்கு கூடுதல் செலவு ஏற்படுவதுடன், கால விரயமும் ஏற்படுகி றது. பள்ளி, கல்லுாரி மாணவர்கள், கூலித்தொழிலாளர்கள், அலுவலர்கள் பயன்பெறும் வகையில் அரிமளத்தில் இருந்து ஏம்பலுக்கு காலை, மாலை, இரவு வேளைகளில் டவுன் பஸ் இயக்க அரசு போக்குவரத்துக்கழகம் நடவடிக்கை எடுக்க வேண்டும். இதன்மூலம் அரிமளம், கே.புதுப்பட்டி, வாளரமாணிக்கம், குறுங்களூர், இரும்பாநாடு, திரு வாக்குடி, மதகம், ஏம்பல் பகுதிகளை சேர்ந்தவர்கள் பயன்பெறுவர் என்று பொதுமக்கள் தெரிவித்துள்ளனர்