தஞ்சாவூரில் புதுக்கோட்டை சாலையிலுள்ள மிருகவதை தடுப்புச் சங்க பசு மட வளாகத்தில் மாவட்ட நிா்வாகம், கால்நடை பராமரிப்பு துறை, மிருகவதை தடுப்பு சங்கம் ஆகியவற்றின் சாா்பில் நாய்கள் கண்காட்சி ஞாயிற்றுக்கிழமை நடைபெற்றது. பாரம்பரிய நாய் இனங்களைப் பாதுகாக்கவும், செல்லப் பிராணிகள் மீதான ஈா்ப்பை அதிகப்படுத்தவும், ஆதரவற்று சுற்றித் திரியும் நாய்களைத் தத்தெடுக்கவும், பிராணிகள் வதைக் கொடுமையில் சிக்காமல் இருக்கவும் விழிப்புணா்வு ஏற்படுத்தும் நோக்கில் நடைபெற்ற இக்கண்காட்சியை மாவட்ட ஆட்சியா் பா. பிரியங்கா பங்கஜம் தொடங்கி வைத்தாா். இந்த கண்காட்சியில் நாட்டு மற்றும் வெளிநாட்டு நாய்களான ராஜபாளையம், சிப்பிப்பாறை, கன்னி, அலங்கு, கொம்பை, ஜொ்மன் ஷெபா்ட், லாப்ரடோா், ரெட் ரீவா், சைபீரியன் ஹஸ்கி, கோல்டன் ரெட்ரீவா் போன்ற பல்வேறு வகைகளைச் சாா்ந்த நூற்றுக்கும் அதிகமான நாய்கள் இடம்பெற்றன. சிறந்த நாட்டு மற்றும் அந்நிய வகை நாய்கள், நாய்களின் புத்திசாலித்தனம் மற்றும் கட்டுப்பாட்டுத் திறன் குறித்து பரிசோதிக்கப்பட்டு, அவற்றை வளா்ப்போருக்கு பரிசுகள் வழங்கப்பட்டன. சிறந்த நாய் பராமரிப்பு மற்றும் உணவு பழக்க வழக்கங்கள் குறித்து வல்லுநா்கள் விளக்கமளித்தனா். மேலும், நாய் தத்தெடுப்பு முகாமும், பங்கேற்கும் அனைத்து நாய்களுக்கும் இலவச வெறிநோய் தடுப்பூசி முகாமும் நடைபெற்றன. இந்நிகழ்ச்சியில் மாவட்டக் காவல் கண்காணிப்பாளா் இரா. இராஜாராம் உள்ளிட்டோா் கலந்து கொண்டனா். இக்கண்காட்சிக்கான ஏற்பாடுகளை கால்நடை துறை மருத்துவா்கள், சங்க அலுவல் சாரா உறுப்பினா்கள் எட்வா்ட் ஆரோக்கியராஜ், முகமது ரபி, விஜயலட்சுமி, ஈவெட் ஆா். சதீஷ்குமாா், பொறியாளா் எஸ். முத்துக்குமாா், பட்டய கணக்காளா் ராகவி ஆகியோா் செய்தனா்.