தேடப்படும் குற்றவாளிகள் என இருவரை நீதிமன்றம் அறிவிப்பு

குமாரபாளையம் கொலை வழக்கில் நீண்ட வருடமாக பிடிபடாத குற்றவாளிகள் இருவரை, தேடப்படும் குற்றவாளிகள் என நீதிமன்றம் அறிவித்துள்ளது. இது குறித்து குமாரபாளையம் இன்ஸ்பெக்டர் தவமணி கூறியதாவது: குமாரபாளையத்தில் 2002ம் ஆண்டில் நடந்த கொலை வழக்கில், குமாரபாளையத்தை சேர்ந்த பாவா என்கிற கோவிந்தராஜ், சுருட்டையன் என்கிற சிவா ஆகியோர் இதுவரை பிடிபடாமல் இருந்து வருகின்றனர். இவர்கள் இருவரை திருச்செங்கோடு நீதிமன்றம் தேடப்படும் குற்றவாளிகள் என அறிவித்துள்ளது. இவ்வாறு அவர் கூறினார்.