குமரி மாவட்டம், களியக்காவிளை நாஞ்சில் கத்தோலிக்க கலை மற்றும் அறிவியல் கல்லூரியின் சமூகப்பணித்துறை மற்றும் குழித்துறை முழுவளர்ச்சி சமூகச் சேவைகள் (கிட்ஸ்) இணைந்து பள்ளியாடி பகுதியில் இயற்கையான முறையில் வீட்டுத்தோட்டம் செய்வது எப்படி என்ற விழிப்புணர்வு நிகழ்ச்சி, புனித திரு இருதய ஆலய வளாகத்தில் நடந்தது. ஆலய அருட்பணியாளர் ஜெரால்டு ஜஸ்டின் தலைமை தாங்கி,விழிப்புணர்வு நிகழ்ச்சியை துவங்கி வைத்தார். நாஞ்சில் கத்தோலிக்க கலை மற்றும் அறிவியல் கல்லூரியின் சமூகப் பணி துறை தலைவி மேரி பெல்சிட் கலந்துகொண்டு வாழ்த்துரை வழங்கினார். முனைவர் ராஜ்குமார் கலந்து கொண்டு வீட்டு தோட்டத்தை பற்றியும் அதை எவ்வாறு வீட்டில் தயார் செய்வது என்பதை பற்றியும் அதை இயற்கையான முறையில் உரங்களை சேர்த்து எவ்வாறு கையாள்வது என்பதை பற்றியும் சிறப்பாக விளக்கினார். அதன் பிறகு ராதாபுரம், இந்தியன் விவசாய கல்லூரி, மாணவர்கள் கலந்து கொண்டு இயற்கையான முறையில் செய்யப்படும் உரங்களைப் பற்றி செயல் விளக்கம் அளித்தனர். இந்த இயற்கையான முறையில் வீட்டுத்தோட்டம் செய்வது எப்படி என்ற விழிப்புணர்வு நிகழ்ச்சி பொதுமக்களிடையே மிகுந்த வரவேற்பைப் பெற்றது.