புளியங்குடி அருகே மாணவருக்கு பாலியல் தொல்லை: ஆசிரியா் கைது

தென்காசி மாவட்டம் கடையநல்லூா் அருகே உள்ள வேலாயுதபுரத்தைச் சோ்ந்த பொன்ராஜ் மகன் பிரான்சிஸ் (35). இவா், புளியங்குடி அருகே உள்ள அரசு உதவி பெறும் பள்ளியில் ஆசிரியராகப் பணியாற்றி வருகிறாா். அவா் 10ஆம் வகுப்பு மாணவா் ஒருவருக்கு பாலியல் துன்புறுத்தல் கொடுத்ததாகக் கூறப்படுகிறது. இதுகுறித்து மாவட்ட குழந்தைகள் நல அலுவலருக்கு புகாா் தெரிவிக்கப்பட்டதையடுத்து, தென்காசி மாவட்ட குழந்தைகள் நல அலுவலா் அருண்பிரசாத், பள்ளிக்குச் சென்று விசாரணை நடத்தினாா். இதில், ஆசிரியா் பிரான்சிஸ், மாணவரிடம் பாலியல் சீண்டலில் ஈடுபட்டது உறுதியானதாம். இதுகுறித்து குழந்தைகள் நல அலுவலா் அருண்பிரசாத் அளித்த புகாரின் பேரில், புளியங்குடி போலீஸாா் வழக்குப் பதிந்து பிரான்சிஸை கைது செய்தனா்.