கூடுதல் பாதைகள் அமைக்கும் பணி: பெங்களூரூ கிழக்கு ரயில் நிலையத்தில் ரயில்கள் நிற்காது

பெங்களூர் கிழக்கு ரயில் நிலையத்தில் கூடுதல் பாதைகள் அமைக்கும் பணி நடைபெற்று வருவதால் சேலம் கோட்டம் வழியாக செல்லும் ரயில்கள் நிற்காது என அறிவிக்கப்பட்டுள்ளது. பெங்களூரு கிழக்கு ரெயில் நிலையத்தில் கூடுதலாக ரெயில் பாதைகள் (3, 4-வது) அமைப்பதற்காக ரயில் நிலையத்தின் நடைமேடைகள் அகற்றப்பட உள்ளன, இதனால் இந்த ரயில் நிலையத்தில் பயணிகளை கையாள முடியவில்லை. எனவே பெங்களூர் கிழக்கு ரயில் நிலையத்தில் சேலம் கோட்டம் வழியாக இயக்கப்படும் கடலூர் துறைமுகம்- மைசூர் எக்ஸ்பிரஸ் (16231), தூத்துக்குடி-மைசூர் எக்ஸ்பிரஸ் (16235), கன்னியாகுமரி- கேஎஸ்ஆர் பெங்களூர் எக்ஸ்பிரஸ், லோக் மானியத்தில் டெர்மினல்- கோவை எக்ஸ்பிரஸ் (11013) ஆகிய ரெயில்கள் நாளை முதல் மறு தேதி அறிவிப்பு வரும் வரை தற்காலிகமாக பெங்களூரு கிழக்கு ரயில் நிலையத்தில் நிற்காது என்று சேலம் ரெயில்வே கோட்ட அலுவலக செய்திக்குறிப்பில் தெரிவிக்கப்பட்டுள்ளது.