கோவை: மதுபான கடையை அகற்றக் கோரி த.வெ.க ஆர்ப்பாட்டம் !

கோவை க.க.சாவடி - வேலந்தாவளம் சாலை பகுதியில் குடியிருப்புப் பகுதி அருகே புதிதாக அமைக்கப்பட்ட டாஸ்மாக் மதுபான கடையை அகற்றக் கோரி தமிழக வெற்றிக் கழகத்தினர் போராட்டத்தில் ஈடுபட்டனர். க.க.சாவடி சந்திப்பு அருகே நேற்று நடைபெற்ற போராட்டத்தில் 300-க்கும் மேற்பட்டோர் கருப்பு சட்டை அணிந்து மதுபானக் கடை மற்றும் திமுக அரசுக்கு எதிராக கண்டன கோஷங்களை எழுப்பினர். இந்த மதுபானக் கடையால் குழந்தைகள், பெண்கள் மற்றும் பொதுமக்கள் என பலரும் பாதிக்கப்படுவதாக த.வெ.க மாவட்ட தலைவர் விக்னேஷ் தெரிவித்தார். மேலும், இந்த மதுபானக் கடையை அகற்றவில்லை என்றால், அடுத்தகட்டமாக ஆயிரக்கணக்கானோர் திரண்டு கடையை முற்றுகையிட்டு தொடர் போராட்டங்களை நடத்த உள்ளதாகவும் அவர் எச்சரித்தார்.