சாத்தூரில் உள்ள தனியார் விடுதியில் தமிழக அரசு டாஸ்மாக் பணியாளர்கள் சங்கத்தின் மதுரை மண்டல அளவிலான செயற்குழு கூட்டம் நடைபெற்றது

விருதுநகர் மாவட்டம் சாத்தூரில் உள்ள தனியார் விடுதியில் தமிழக அரசு டாஸ்மாக் பணியாளர்கள் சங்கத்தின் மதுரை மண்டல அளவிலான செயற்குழு கூட்டம் நடைபெற்றது. இந்தக் கூட்டத்தில் சங்கத்தின் மாநில தலைவர் பாலுசாமி மற்றும் 10 மாவட்டங்களை சேர்ந்த நிர்வாகி கள் கலந்து கொண்டனர். மேலும் மதுரை மண்டல அளவிலான செயற்குழு கூட்டத்தில் 6 தீர்மானங்கள் நிறைவேற்றப்பட்டன. மேலும் செயற்குழு கூட்டத்திற்கு பின்ன செய்தியாளர்களை சந்தித்த அச்சங்கத்தின் மாநில தலைவர் பாலுசாமி தமிழக அரசியலில் மிகவும் பரபரப்பாக பேசப்படுவது டாஸ்மாக்கில் ED நடத்திய சோதனை தான் என்றார். மேலும் டாஸ்மாக் அலுவலகத்தில் அமலாக்கத்துறை சோதனையின் மூலம் 1000 கோடி ஊழல் விவகாரம் வரும் சட்டமன்றத் தேர்தலில் எதிர்க்கட்சிகளின் முக்கிய பிரச்சாரமாக இருக்கும் என்றார். மேலும் பேசிய மாநிலத் தலைவர் தமிழகத்தில் டாஸ்மாக்கில் பணிபுரியும் ஊழியர்களுக்கு கடந்த 21ம் ஆண்டுகளாக ஊதிய உயர்வு அளிக்காத காரணத்தினால் தான் குடும்ப சூழல் காரணமாக டாஸ்மாக் ஊழியர்கள் கடைகளில் விற்பனை செய்யப்படும் மதுவிற்கு விலையை விட கூடுதலாக பத்து ரூபாய் வாங்குகிறார்கள் என்றார். மேலும் இந்த பத்து ரூபாய் குற்றச்சாட்டை ஒழிக்க வேண்டும் என்றால் டாஸ்மாக் பணியாளர் களுக்கு முறையான ஊதிய உயர்வு அளிக்க வேண்டும் என்றார். மேலும் பேசிய மாநிலத் தலைவர் டாஸ்மாக் கடைகளில் விற்பனை செய்யப்படும் காலி மது பாட்டில்களை திரும்ப பெறும் திட்டத்தை வரவேற்பதாகவும் அதே சமயம் காலி மது பாட்டில்களை திரும்பப் பெறும் திட்டத்தை தனியாக தனியார் துறை (அவுட் சோர்சிங் ) மூலம் பெற வேண்டும் என கோரிக்கை விடுத்தார். மேலும் டாஸ்மாக் கடைகளில் விலையை விட கூடுதலாக மது விற்பனை செய்வது தெரிய வரும் பட்சத்தில் கூடுதல் விலைக்கு மது விற்பனை செய்த நபருடன் சேர்ந்து அந்தக் கடையில் பணிபுரியும் மற்ற ஊழியர்களையும் தண்டிக்கும் நடைமுறையை அரசு கொண்டுவர முயற்சி செய்கிறது எனவும் அந்த நடைமுறையை பரிசீலனை செய்ய வேண்டும் என கோரிக்கை விடுத்தனர். மேலும் இந்தியாவிலேயே பஞ்சாப் மாநிலத்திற்கு அடுத்தபடியாக தமிழகத்தில் தான் அதிகப்படியான குடிப்பழக்கம் உடைய நபர்கள் இருப்பதாக கருத்துக்கணிப்புகள் தெரிவிக்கின்றன எனவும் இதனால் தமிழகத்தில் உள்ள மது கடைகளை குறைத்து உடலுக்கு தீங்கு விளைவிக்காத கள்ளு கடைகளை திறக்க வேண்டும் என்றார். மேலும் போதை மறுவாழ்வு மையம் தமிழகத்தில் உள்ள அனைத்து தாலுகா அளவிலான அரசு மருத்துவ மனைகளிலும் தொடங்கப்பட வேண்டும் என்றார். மேலும் பேசிய டாஸ்மாக் சங்க மாநிலத் தலைவர் தமிழகத்தில் மதுக்கடைகளை குறைக்க வேண்டும் எனவும் நீண்ட நாள் குடிப்பழக்கத்தில் உள்ளவர்கள் உடனடியாக நிறுத்த முடியாது என்பதால் உடலுக்கு தீங்கு விளைவிக்காத கள்ளு மற்றும் பதநீர் கடைகளை திறக்க தமிழக அரசு பரிசீலனை செய்ய வேண்டும் என்றார்.