புழல் சிறையில் கைதிகள் இருவர் உயிரிழப்பு

திருவள்ளூர் மாவட்டம், புழல் மத்திய சிறையில் உடல் நலக்குறைவால் இரு கைதிகள் உயிரிழப்பு. மேற்கு அண்ணா நகர், வசந்தம் காலனியை சேர்ந்தவர் தங்கப்பன் 69 இவர் மத்திய குற்றப்பிரிவு போலீசாரால் கடந்த மாதம் கைது செய்யப்பட்டு புழல் சிறையில் அடைக்கப்பட்டார். அங்கு அவருக்கு உடல்நிலை சரியில்லாத காரணத்தினால் சென்னை அரசு ஸ்டான்லி மருத்துவமனையில் அனுமதிக்கப்பட்ட அவர் சிகிச்சை பலனின்றி நேற்று முன் தினம் உயிரிழந்தார் . இதே போல் பல்லாவரம் கண்ணபிரான் கோவில் தெருவை சார்ந்த ராணி போஸ் 60 ) என்பவர் தாம்பரம் அனைத்து மகளிர் காவல் நிலைய போலீசார் போக்சோ வழக்கில் கைது செய்யப்பட்டு கடந்த 22 ஆம் ஆண்டு நான்காம் மாதம், 5 வருடம் தண்டனை கைதியாக சிறையில் அடைக்கப்பட்ட நிலையில் அவருக்கு ரத்த புற்றுநோய் இருந்ததால் உடல்நிலை பாதிக்கப்பட்டது . இதன் காரணமாக கடந்த வாரம் சென்னை அரசு ஸ்டான்லி மருத்துவமனையில் அனுமதிக்கப்பட்டு சிகிச்சை பெற்று வந்த நிலையில் நேற்று முன் தினம் இரவு உயிரிழந்தார் இது குறித்து தகவலின் பேரில் புழல் போலீசார் வழக்கு பதிவு செய்து விசாரணை மேற்கொண்டு வருகின்றனர்.