ஆலங்குளத்தில் கொலை குற்றவாளி குண்டா் சட்டத்தில் கைது

தென்காசி மாவட்டம் ஆலங்குளம் அருகே ஊத்துமலை பவுண்ட் தொழு தெருவைச் சோ்ந்தவா் காளிமுத்து மகன் சுடா் வடிவேல் (52). ஊத்துமலை பேருந்து நிறுத்தம் அருகே பூக்கடை நடத்தி வந்தாா். இவரது கடை முன் ஆக்கிரமிப்பு செய்வதாகக் கூறி வடிவேலுக்கும் அருகே உணவகம் நடத்தி வரும் முருகையா மகன் காா்த்திக் பிரபாகரனுக்கும் (35) இடையே முன்விரோதம் இருந்து வந்தது. இந்த நிலையில், கடந்த ஜூன் 16 ஆம் தேதி காளிமுத்துவை காா்த்திக் பிரபாகரன் கொலை செய்தாா். ஊத்துமலை காவல் நிலைய போலீஸாா் வழக்குப் பதிந்து பிரபாகரனை கைது செய்தனா். இந்த நிலையில், இவா் மீது குண்டா் தடுப்புக் காவல் சட்டத்தின் கீழ் நடவடிக்கை எடுக்க தென்காசி மாவட்ட காவல் கண்காணிப்பாளா் அரவிந்த் மாவட்ட ஆட்சியா் ஏ.கே.கமல் கிஷோருக்கு பரிந்துரைத்தாா். இதையேற்று பிரபாகரனை குண்டா் தடுப்புக் காவல் சட்டத்தில் கைது செய்ய ஆட்சியா் உத்தரவிட்டாா். இதையடுத்து காா்த்திக் பிரபாகரனை போலீஸாா் குண்டா் சட்டத்தில் கைது செய்து சிறையில் அடைத்தனா்.