நாலுமாவடியில் ஜன. 22ல் கல்லூரி மின்னொளி கபடி போட்டி

தூத்துக்குடி மாவட்டம் நாலுமாவடியில் வருகிற 22ந் தேதி கல்லூரி மாணவ- மாணவிகளுக்கான மாநில அளவிலான மின்னொளி கபடி போட்டிகளை மோகன் சி.லாசரஸ் தொடங்கி வைக்கிறார். நாலுமாவடி இயேசு விடுவிக்கிறார் ஊழியத்தின் விளையாட்டுத் துறை மற்றும் தூத்துக்குடி மாவட்ட அமெச்சூர் கபடி கழகம் சார்பில் தமிழர் திருநாளை முன்னிட்டு 8வது ரெடீமர்ஸ் கோப்பைக்கான கல்லூரி மாணவ- மாணவிகளுக்கு இடையேயான மாநில அளவிலான மின்னொளி கபடி போட்டிகள், நாலுமாவடி காமராஜர் மேல்நிலைப்பள்ளி விளையாட்டு மைதானத்தில் வைத்து வருகிற ஜனவரி 22ந் தேதி புதன்கிழமை மாலை 5.30 மணிக்கு தொடங்கி 23ந் தேதி வியாழக்கிழமை வரை 2 நாட்கள் நடக்கிறது. இப்போட்டியை இயேசு விடுவிக்கிறார் ஊழிய நிறுவனர் மோகன் சி.லாசரஸ் தலைமை வகித்து ஜெபித்து தொடங்கி வைக்கிறார்.இப் போட்டியானது சர்வதேச தரத்தில் மேட் தளத்தில் நடைபெறுகிறது. இப்போட்டிகளில் தமிழகத்தின் தலைசிறந்த கல் லூரி அணிகள் கலந்து கொள்கின்றன. போட்டியில் வெற்றி பெறும் அணிகளுக்கு முதல் பரிசு 40 ஆயிரம் ரூபாயும், 2ம் பரிசு ₹30 ஆயிரம் ரூபாயும், 3 மற்றும் 4ம் பரிசாக 20 ஆயிரம் ரூபாயும் வெற்றிக் கோப்பைகளும் வழங்கப்படுகிறது. இதில் 6 சிறந்த ஆட்டக்காரர்களுக்கும் சிறப்பு பரிசுகளும் வழங்கப்படுகிறது.மேலும் போட்டியைக் காண வரும் பார்வையாளர்களில் 35 பேர் குலுக்கல் முறையில் தேர்வு செய்யப்பட்டு சிறப்பு பரிசுகள் வழங்கப்படுகிறது. இப் போட்டிகளுக்கான ஏற்பாடுகளை நாலுமாவடி இயேசு விடுவிக்கிறார் ஊழிய நிறுவனர் மோகன் சி.லாசரஸ் தலைமையில் பொதுமேலாளர் செல்வக்குமார், விளையாட்டு துறை ஒருங்கிணைப்பாளர்கள் மணத்தி கணே சன், எட்வின், இயேசு விடுவிக்கிறார் மக்கள் தொடர்பு அலுவலர் சாந்தகுமார் மற்றும் ஜெபக்குழுவினர் செய்து வருகின்றனர்.