பா.ஜ.க., வில் இணைந்த தி.மு.க., ஒன்றிய கவுன்சிலர்!

நீலகிரி பா.ஜ.க., மாவட்ட அலுவலகத்தில் மாவட்ட தலைவர் மோகன்ராஜ் தலைமையில் நடந்த நிகழ்சியில் ஊட்டி ஊராட்சி ஒன்றியம் 20வது வார்டு, முள்ளீகூர் யூனியன் தி.மு.க., கவுன்சிலர் ஆர்.கிட்டான்தி.மு.க.,வில் இருந்து விலகி பா.ஜ.க.,வில் இணைந்தார். பா.ஜ.க., மாவட்ட தலைவர் மோகன்ராஜ் கட்சியின் துண்டு அணிவித்து வரவேற்று கட்சியின் உறுப்பினர் அடையாள அட்டை வழங்கினார். பா.ஜ.க., குந்தா ஒன்றிய தலைவர் ரமேஷ் ஏற்பாட்டில் நடந்த நிகழ்சியில் பா.ஜ‌.க.,வில் இணைந்த தி.மு.க., கவுன்சிலர் கிட்டான் பேசுகையில், "உலக நாடுகள் வியக்கும் வண்ணம் ஆட்சி நடத்திவரும் பாரத பிரதமர் மோடி மற்றும் எழுச்சி அரசியல் நடத்திவரும் பா.ஜ.க., மாநில தலைவர் அண்ணாமலை ஆகியோரால் ஈர்க்க பட்டு தான் பா.ஜ.க.,வில் இணைந்ததாகவும் பாரத பிரதமரின் கரங்களில் பாரதம் பாதுகாப்பாக உள்ளது,"என்றார். இந்நிகழ்சியில் பா.ஜ.க., உதகை சட்டமன்ற அமைப்பாளர் ராமன், ஊட்டி சட்டமன்ற இணை அமைப்பாளர் பரமேஸ்வரன், மாவட்டப் பொருளாளர் தருமன், உட்பட பலர் கலந்துகொண்டனர்.