கரூர். மாட்டு வண்டியில் மணல் கடத்திய மூவர் கைது 4-மாட்டு வண்டிகள் மணலுடன் பறிமுதல்.

கரூர். மாட்டு வண்டியில் மணல் கடத்திய மூவர் கைது 4-மாட்டு வண்டிகள் மணலுடன் பறிமுதல் . கரூர் அமராவதி ஆற்று படுகையில் ஏராளமானோர் இரவு நேரத்தில் அனுமதியின்றி சட்ட விரோதமாக மணல் அள்ளி கடத்தி வருகின்றனர். மாட்டு வண்டி மூலம் மணல் கடத்தி வருவதாக இன்று காவல்துறையினருக்கு தகவல் கிடைத்தது இதன் அடிப்படையில் கரூர் பெரிய ஆண்டாங் கோவில், பெரியார் நகர் பகுதியில், காவல்துறையினர் வாகன தணிக்கையில் ஈடுபட்டனர். அப்போது அமராவதி ஆற்று கரையோர பகுதியில் மாட்டுவண்டி மூலம் மணல் அள்ளிக்கொண்டு சென்றதை கவனித்த காவல்துறையினர், அனுமதி இன்றி சட்ட விரோதமாக அமராவதி ஆற்றில் மணல் அள்ளிய மூன்று பேரை கைது செய்து, அவர்களிடமிருந்து மணலுடன் நான்கு மாட்டு வண்டிகள், மணல் அள்ளுவதற்காக பயன்படுத்தப்பட்ட பொருட்களை பறிமுதல் செய்தனர். மேலும், காவல்துறையினர் நடவடிக்கையின் போது, தப்பி ஓடிய ஒருவரை தேடி வருகின்றனர்.