பரமத்தி வேலூரில் ரூ.90 ஆயிரத்திற்கு தேங்காய் ஏலம்.

பரமத்திவேலூர், ஆக.14- நாமக்கல் மாவட்டம், பரமத்தி வேலூர் ஒழுங்குமுறை விற்பனை கூடத்தில் நேற்று ரூ. 90 ஆயிரத்து 504-க்கு தேங்காய் ஏலம் நடைபெற்றது. பரமத்தி வேலூரில் செயல்பட்டு வரும் ஒழுங்குமுறை விற்பனை கூடத்தில் செவ்வாய்க்கிழமை தோறும் தேங்காய் மறைமுக ஏலம் நடைபெற்று வருகிறது. கடந்த வாரம் செவ்வாய்க்கிழமை நடைபெற்ற ஏலத்திற்கு 2 ஆயிரத்து 459 கிலோ தேங்காய்களை விவசாயிகள் கொண்டு வந்திருந்தனர். இதில் அதிகபட்சமாக கிலோ ரூ.31.59-க்கும், குறைந்த பட்சமாக ரூ.23.00-க்கும், சராசரியாக ரூ.27.99-க்கும் ஏலம் போனது. மொத்தம் ரூ.67 ஆயிரத்து 378-க்கு வர்த்தகம் நடைபெற்றது. நேற்று செவ்வாய்க்கிழமை நடைபெற்ற ‌ஏலத்திற்கு 3 ஆயிரத்து 214 -கிலோ தேங்காய்களை விவசாயிகள் கொண்டு வந்திருந்தனர். இதில் அதிகபட்சமாக கிலோ ‌ஒன்று ரூ.30.90-க்கும், குறைந்தபட்சமாக ரூ.17.11- க்கும், சராசரியாக ரூ.‌27.65-க்கும் ஏலம் போனது. மொத்தம் ரூ. 90 ஆயிரத்து 504- க்கு ஏலம் நடைபெற்றது.