திண்டுக்கலில் மின்தூக்கியில் சிக்கித் தவித்த 10பேர் மீட்பு

திண்டுக்கல்லைச் சேர்ந்தவா் காா்த்திக். இவா், திண்டுக்கல் நீதிமன்றத்துக்கு சனிக்கிழமை சென்றாா். இங்குள்ள வடக்கு நுழைவுவாயில் பகுதியில் அமைந்துள்ள மின் தூக்கியில் 2-ஆவது தளத்துக்கு செல்வதற்காக ஏறினாா்.

அவருடன் பெண்கள் உள்பட 10 பேர் சென்றனா். முதல் தளத்துக்கும் 2-ஆவது தளத்துக்கும் இடையே மின்தூக்கி பழுதாகி நின்றது. இதனால் மின்தூக்கியில் இருந்தவா்கள் கூச்சலிட்டனா்.

இதனிடையே மின்தூக்கியில் சிக்கிக் கொண்ட காா்த்திக், திண்டுக்கல் தீயணைப்பு நிலையத்துக்கு தகவல் தெரிவித்தாா். தீயணைப்பு படையினா் அங்கு வருவதற்குள், நீதிமன்ற பணியாளா்கள் விரைவாக செயல்பட்டு மின் தூக்கியை இயக்கத்துக்கு கொண்டு வந்தனா்.