நூறு சதவீதம் வாக்களிக்க வலியுறுத்தி ஒளிரும் மின் விளக்கு விழிப்புணர்வு !

நாமக்கல் மக்களவை தொகுதிக்குள்பட்ட சேலம் மாவட்டம், சங்ககிரி சட்டப்பேரவை தொகுதியில் நூறு சதவீதம் வாக்காளர்கள் வாக்களிக்க வலியுறுத்தி விழிப்புணர்வு வாசகங்கள் அடங்கிய ஒளிரும் மின்விளக்கு எழுத்துகள் சங்ககிரி வட்டாட்சியர் அலுவலக வளாக சுவற்றில் பொருத்தப்பட்டுள்ளன.

நாமக்கல் மக்களவை தொகுதிக்குள்பட்ட சங்ககிரி சட்டப்பேரவை தொகுதியில் நூறு சதவீதம் வாக்காளர்கள் வாக்களிப்பதற்காக தேர்தல் ஆணையத்தின் சார்பில் பல்வேறு விழிப்புணர்வு நிகழ்ச்சிகள் நடத்தப்பட்டு வருகின்றன.

ஏப்ரல் 19ம் தேதி தேர்தல் நடைபெறுவதை வாக்காளர்களிடத்தில் கொண்டு செல்ல ஒளிரும் மின்விளக்கு பொருத்தப்பட்ட எழுத்துகள் சங்ககிரி பவானி பிரதானசாலையையொட்டியுள்ள வட்டாட்சியரின் அலுவலக சுவற்றில் பொருத்தப்பட்டுள்ளன.

இரவு நேரங்களில் பல்வேறு வண்ணங்களில் எழுத்துகள் ஒளிருவதால் அப்பகுதியில் பேருந்துக்காக காத்திருக்கும் பயணிகளின் கவனத்தை ஈர்த்துள்ளன.