தட்டச்சுத் தேர்வில் 4,300 பேர் பங்கேற்பு

தமிழ்நாடு அரசு தொழில்நுட்ப கல்வியியல் இயக்ககம் சாா்பில் ஆண்டுதோறும் பிப்ரவரி, ஆகஸ்ட் மாதங்களில் தட்டச்சுத் தேர்வு நடத்தப்பட்டு வருகிறது. இந்த நிலையில், 2024 பிப்ரவரி மாதத்துக்கான இளநிலை தட்டச்சுத் தேர்வுக்கு திண்டுக்கல் மாவட்டத்தைச் சேர்ந்த 3,200 பேர், மேல்நிலை தேர்வுக்கு 2,101 பேர் என மொத்தம் 4,301 பேர் விண்ணப்பித்திருந்தனா். இதையடுத்து, திண்டுக்கல், பழனி ஆகிய இடங்களில் 5 கல்லூரிகளில் தட்டச்சு தேர்வுக்கான மையங்கள் அமைக்கப்பட்டிருந்தன. சனிக்கிழமை காலை 9 முதல் மாலை 5 மணி வரை 5 பிரிவுகளாக தேர்வு நடத்தப்பட்டது. அரசுப் பணியில் சேர முக்கியத்துவம் வழங்கப்படும் என்பதால் தட்டச்சுத் தேர்வில் பங்கேற்போரின் எண்ணிக்கை தொடா்ந்து அதிகரித்து வருகிறது.