சேலம் நெத்திமேட்டில் பாய்லர் வெடித்து 6 தொழிலாளர்கள் படுகாயம்

சேலம் நெத்திமேடு பகுதியில் தனியார் தொழிற்சாலை இயங்கி வருகிறது. இங்கு நேற்று முன்தினம் தொழிலாளர்கள் வழக்கம்போல் வேலை செய்து கொண்டிருந்தனர். அப்போது திடீரென பாய்லர் வெடித்து அதில் இருந்து பொருட்கள் சிதறின. இதில் பீகார் மாநிலம் போஜ்பூர் மாவட்டம் ஆராநகரை சேர்ந்த நிதீஷ் சிங் (வயது 36), கோபிநாத் சபு (41), அருண்குமார் (29), அனுஜ்குமார் (19), அருண் சர்மா (30), சிக்கந்தர் குமார் (28) ஆகிய 6 தொழிலாளர்கள் படுகாயம் அடைந்தனர். அவர்களை சக தொழிலாளர்கள் மீட்டு தனியார் மருத்துவமனையில் சேர்த்தனர். அங்கு அவர்களுக்கு தீவிர சிகிச்சை அளிக்கப்பட்டு வருகிறது. இந்த சம்பவம் குறித்து அன்னதானப்பட்டி போலீசார் வழக்குப்பதிவு செய்து விசாரணை நடத்தி வருகின்றனர்.