கொடைக்கானலில் 61வது மலர் கண்காட்சி

திண்டுக்கல் மாவட்டம் கொடைக்கானல் நகரின் மைய பகுதியில் தோட்டக்கலை துறை கட்டுப்பாட்டில் உள்ள பிரையண்ட் பூங்கா அமைந்துள்ளது. இந்த பூங்காவில் வருடந்தோறும் மே மாதங்களில் மலர்கண்காட்சி மற்றும் கோடை விழா நடைபெறுவது வழக்கம்.

இந்நிலையில், வரும் வெள்ளிக்கிழமை அன்று 61வது மலர் கண்காட்சி மற்றும் கோடை விழா நடைபெற உள்ளது. இதனையடுத்து பூங்காவிற்கு வரும் சுற்றுலாப்பயணிகளின் கண்களுக்கு விருந்தளிக்கும் விதமாக லட்சக்கணக்கான மலர்கள் பூத்துள்ளன. மேலும் மலர்கண்காட்சிக்கு அலங்கார மேடைகள், ஸ்டால்கள் மற்றும் மலர்களை வைத்து டெடி பியர்,சேவல்,மயில் உள்ளிட்ட உருவ வடிவமைப்புகள் அமைக்கும் பணிகள் தீவிரமாக நடைபெற்று வருகிறது. தற்போது பூங்காவிற்கு வரும் சுற்றுலாப்பயணிகள் மலர் படுக்கைகளில் பூத்துள்ள பலவகையான மலர்களை ஆர்வத்துடன் கண்டு ரசித்து புகைப்படம் மற்றும் செல்ஃபி எடுப்பதில் ஆர்வம் காட்டி வருகின்றனர்.