செய்யாறில் 63 நாயன்மார்கள் திருவீதி உலா

திருவண்ணாமலை மாவட்டம் செய்யாறு டவுன் திருவோத்தூரில் அமைந்துள்ள அருள்மிகு ஶ்ரீ பாலகுஜாம்பிகை சமேத ஶ்ரீவேதபுரீஸ்வரர் திருக்கோயில் ஆண்டுதோறும் தை மாதத்தில் நடைபெறும் ரத சப்தமி பிரமோற்சவ விழா கடந்த 10-ந்தேதி விடியற்காலை சிறப்பு அபிஷேக ஆராதனைகளுடன் கொடி ஏற்றத்துடன் தொடங்கியது. தொடர்ந்து 10 நாட்கள் நடைபெறும் விழாவில் முக்கிய நிகழ்வான தேரோட்டம் நாளை 16-ந்தேதி வெள்ளிக்கிழமை நடைபெறுகிறது.

முதல் நாள் நிகழ்வில் கற்பக விருட்சம், காமதேனு வாகனத்தில் சாமி வீதி உலா வந்து பக்தர்களுக்கு அருள் பாலிக்கிறார். தொடர்ந்து இரண்டாம் நாள் நிகழ்வான காலை சூரிய பிரபை உற்சவம், இரவு சந்திர பிரபை உற்சவம். 3-நாள் விழாவில் பூத வாகன சேவையும், 4-வது நாளில் பெரிய நாக வாகன சேவையும், 5-வது நாள் காலை அதிகார நந்தி வாகன சேவையும், இரவு பெரிய ரிஷப வாகன சேவையும் நடந்தது.

தொடர்ந்து இன்று 6-வது நாள் விழாவில் காலை 63 நாயன்மார்கள் திருவீதி உலா நிகழ்வும், அருள்மிகு ஶ்ரீ பாலகுஜாம்பிகை சமேத ஶ்ரீவேதபுரீஸ்வரர் சிறப்பு அலங்காரத்தில் வீதி உலா வந்து பக்தர்களுக்கு காட்சியளித்தார். இந்நிகழ்வில் திரளான பக்தர்கள் கலந்து கொண்டு சாமி தரிசனம் செய்தனர்.