750 கிலோ ரேஷன் அரிசி பறிமுதல்!

புதுகை மாவட்ட குடிமைபொருள் வழங்கல் குற்றப்புலனாய்வு துறை போலீசார் நேற்று முன்தினம் பச்சலுார் அருகே வாகன சோதனையில் ஈடுபட்டிருந்தனர். அப்போது அந்த வழியாக வந்த காரை நிறுத்தி சோதனையிட்டபோது, 15 வெள்ளை நிற சாக்கு மூட்டைகளில் சுமார் 750கிலோ ரேஷன் அரிசி இருந்தது கண்டுபிடிக்கப்பட் டது. வாகனத்தை ஓட்டி வந்த திருமயத்தை சேர்ந்த பெரியகருப்பனிடம் விசாரணை நடத்தியபோது, கரூர் ஏம்பல் பகுதியில் பொதுமக்களிடம் இருந்து ரேஷன் அரிசியை குறைந்த விலைக்கு வாங்கி வெளிச்சந்தையில் கூடுதல் விலைக்கு விற்பனை செய்து வந்தது தெரியவந்தது. இதையடுத்து பெரியகருப்பனை கைது செய்த போலீசார் அரிசியுடன், காரை பறிமுதல் செய்தனர்.