8-ம் வகுப்பு மாணவி கர்ப்பம் - மெக்கானிக் கைது

குமரி மாவட்டம் அஞ்சுகிராமம் அருகே உள்ள ராஜாவூரை சேர்ந்தவர் திலக் (22) . ஏசி மெக்கானிக். இவர் அந்த பகுதியில்  எட்டாம் வகுப்பு மாணவியுடன் நட்பாக பழகி வந்தார். தொடர்ந்து மாணவியை காதலிப்பதாக ஆசை வார்த்தை கூறி, பல இடங்களுக்கு அழைத்து சென்றுள்ளார்.மாணவியை  மிரட்டி பலாத்காரம் செய்து, மேலும் இந்த விஷயத்தை யாரிடமும் சொல்லக்கூடாது என மிரட்டி உள்ளார். இந்த நிலையில் மாணவிக்கு திடீரென உடல் நலம் பாதிக்கப்பட்டது. இதனால் பெற்றோர் மாணவியை மருத்துவமனைக்கு அழைத்துச் சென்றனர். அங்கு மாணவி பரிசோதனை செய்த டாக்டர்கள் அவர் 2 மாதம் கர்ப்பமாக இருப்பதாக தெரிவித்தனர். இதனை அறிந்த பெற்றோர் மாணவியிடம் நடத்திய விசாரணையில், திலக் தன்னை ஆசை வார்த்தைகள் கூறி பலாத்காரம் செய்ததை தெரிவித்துள்ளார். இது தொடர்பாக  கன்னியாகுமாரி அனைத்து மகளிர் போலீஸ் நிலையத்தில் மாணவியின் பெற்றோர் புகார் அளித்தனர். புகாரின் பேரில் போலீசார் வழக்கு பதிவு செய்து திலக்கை கைது செய்தனர்.