சேந்தமங்கலம் அருகே மூதாட்டியிடம் 9 பவுன் செயின் பறிப்பு

சேந்தமங்கலம் அடுத்த முத்துகாபட்டி ஹைஸ் கூல் வீதியில் செல்லம்மாள் என்பவர் தனியாக வசித்து வருகிறார். கடந்த சில நாட்களுக்கு முன் செல்லம்மாளை பார்க்க மர்மபெண் ஒருவர் காரில் வந்து உறவினர் என கூறி திருமண பத்திரிக்கை வைத்து, ஆயிரம் ரூபாய் பணம் கொடுத்து அவரிடம் நலம் விசாரித்துவிட்டு செல்லம்மாளிடம் தண்ணீர் வாங்கி குடித்துள்ளார்.

பின் வீட்டில் இருந்த 9 பவுன் செயினை கொள்ளை அடித்து கொண்டு அங்கிருந்து காரில் தப்பினார். சம்பவம் குறித்து சேந்தமங்கலம் போலீசாருக்கு தகவல் கொடுத்தனர். சம்பவ இடத்திற்கு வந்த போலீசார் தடைய நிபுணர்களுடன் ஆய்வு செய்தனர். போலீசார் வழக்கு பதிவு செய்து விசாரிக்கின்றனர்.

இச்சம்பவம் முத்துகாபட்டி பகுதியில் பெரும் பரபரப்பை ஏற்படுத்தியுள்ளது. இது போன்ற கொள்ளை சம்பவம் கடந்த சில மாதங்களாக சேந்தமங்கலம், ராமநாதபுரம் புதுார், களங்காணி, பேளுக்குறிச்சி உள்ளிட்ட பல்வேறு இடங்களில் தொடர்ந்து நடக்கிறது.