சிவகாசியில் மூதாட்டியை தாக்கிய மூன்று பேர் மீது வழக்கு பதிவு

விருதுநகர் மாவட்டம், சிவகாசி அருகே எரிச்சநத்தம் கிருஷ்ணம நாயக்கன்பட்டியை சேர்ந்தவர் ருக்குமணி (60). இவரது கணவர் 30 ஆண்டுக்கு முன் இறந்து விட்டார்.இவருக்கு குழந்தைகள் கிடையாது. சம்பவத்தன்று ருக்குமணியின் வீட்டின் முன்பு அதே பகுதியை சேர்ந்த மகாலட்சுமி (62) என்பவர் தலையை வாரிக் கொண்டு இருந்துள்ளார்.

இதனை ருக்குமணி கண்டித்துள்ளார். அப்போது 2பேருக்கும் வாக்குவாதம் ஏற்பட்டுள்ளது. இதில் ஆத்திரமடைந்த மகாலட்சுமி, ருக்குமணியை மஞ்சநெத்தி கம்பால் வைத்து சரமாரியாக தாக்கியுள்ளார். இதில் காயம் அடைந்த ருக்மணி, 108 ஆம்புலன்ஸ் வாகனம் மூலம் சிவகாசி அரசு மருத்துவமனைக்கு அனுப்பி வைக்கப்பட்டார்.சம்பவம் குறித்து மகாலட்சுமி மற்றும் அவரது கணவர் புழுகையா,மகள் சங்கரேஸ்வரி ஆகியோர் மீது எம்.புதுப்பட்டி போலீசார் வழக்கு பதிவு செய்து விசாரித்து வருகின்றனர்.