சாலையை கடக்க முயன்றவர் மீது அரசு பஸ் மோதி விபத்து- கட்டிடமேஸ்திரி பலி

 வேட்டவலம் குமரன் தெருவை சேர்ந்தவர் நாராயணன் (55) கட்டிட மேஸ்திரி. இவர் நேற்று முன்தினம் இரவு வீட்டிலிருந்து விழுப்புரம் சாலையில் உள்ள ஹைவே ஹோட்டலில் சாப்பிட விழுப்புரம் திருவண்ணாமலை சாலையில் நடந்து சென்றுள்ளார்.அப்போது தனியார் மனைப்பிரிவு அருகே சாலையை கடக்க முயன்ற பொழுது விழுப்புரத்தில் இருந்து திருவண்ணாமலை நோக்கி சென்ற அரசு பேருந்து நாராயணன் மீது மோதியது இதில் தூக்கி வீசப்பட்ட அவர் படுகாயம் அடைந்தார்.அருகில் இருந்தவர்கள் அவரை மீட்டு 108 ஆம்புலன்ஸ் மூலம் சிகிச்சைக்காக திருவண்ணாமலை அரசு மருத்துவக் கல்லூரி மருத்துவமனைக்கு அனுப்பி வைத்தனர்.அங்கு அவரை பரிசோதித்த மருத்துவர்கள் அவர் வரும் வழியிலேயே இறந்து விட்டதாக தெரிவித்தனர். இது குறித்து நாராயணனின் மனைவி சுசிலா (43) வேட்டவலம் போலீசில் கொடுத்த புகாரின் பேரில் சிறப்பு சப்-இன்ஸ்பெக்டர் சங்கர் வழக்கு பதிவு செய்து விசாரணை நடத்தி வருகிறார்.