கிணற்றில் விழுந்த சினை பசு மாடு பத்திரமாக மீட்பு

பொள்ளாச்சி: ஆனைமலை  அருகே அடுத்த  பூவலபருத்தியூர் என்ற கிராமத்தில் மேய்ச்சலுக்காக மாடுகள் அவிழ்த்து விடப்பட்டிருந்தன.மாடுகள் அப்பகுதியில் உள்ள தோட்டத்து அருகே மேய்ந்து கொண்டிருந்த போது சினை பசுமாடு ஒன்று கால் இடறி கிணற்றுக்குள் விழுந்துள்ளது.இது குறித்து அக்கம் பக்கம் உள்ளவர்கள் தீயணைப்பு துறையினருக்கு தகவல் கொடுத்ததை அடுத்து சம்பவ இடத்திற்கு விரைந்த நிலைய அலுவலர் கணபதி தலைமையிலான தீயணைப்பு துறையினர் சுமார் 80 அடி உயர கிணற்றுக்குள் இறங்கி சினை பசுமாட்டினை பத்திரமாக உயிருடன் மீட்டனர்.