நத்தம்: மின்னல் தாக்கி காளை மாடு பலி

திண்டுக்கல் மாவட்டம், நத்தம் அருகேயுள்ள பட்டணம்பட்டியைச் சேர்ந்தவர் ராசு (50). விவசாயி. இவர் தனது காளை மாட்டை தனது மாந்தோப்பில் உள்ள மாமரத்தில் கட்டி வைத்திருந்தார். அப்போது அப்பகுதியில் திடீரென இடி மின்னலுடன் மழை பெய்ததையடுத்து மின்னல் தாக்கியதில் காளை மாடு சம்பவ இடத்தில் பலியானது.

தகவலறிந்து சம்பவ இடத்திற்கு வந்த செல்லப்ப நாயக்கன்பட்டி நிர்வாக அலுவலர் சரவணன் விசாரணை செய்தார். மின்னல் தாக்கி பலியான மாடு சுமார் 40 ஆயிரம் மதிப்பு இருக்கும் என்று கூறப்படுகிறது. மேலும் குட்டுப்பட்டி கால்நடை மருந்தக உதவி மருத்துவர் சுபலட்சுமி இறந்த காளை மாட்டை சம்பவ இடத்தில் உடற் கூறாய்வு செய்து அறிக்கை வழங்கினார்.