மேட்டூரில் அரசு பேருந்து சாலையில் கவிழ்ந்து விபத்து !

மேட்டூர் அருகே குஞ்சாண்டியூரில் அரசு விரைவு பேருந்து சாலையின் தடுப்பு சுவரில் மோதி விபத்து. சென்னையில் இருந்து அரசு விரைவு பேருந்து ஒன்று மேட்டூர் நோக்கி வந்து கொண்டிருந்தது. இந்த பேருந்தை வடகரையான் (40) என்பவர் ஓட்டி வந்தார். பேருந்தில் இரண்டு பயணிகள் மட்டுமே இருந்தனர் பேருந்து குஞ்சாண்டியூர் அருகே வந்த போது சாலையின் தடுப்பு சுவரில் மோதி கவிழ்ந்து விபத்துக்குள்ளானது. இந்த விபத்தில் யாருக்கும் காயம் ஏற்படவில்லை, விபத்து காரணமாக சாலையில் போக்குவரத்து பாதிக்கப்பட்டது. சம்பவ இடத்திற்கு வந்த கருமலை கூடல் போலீசார் கிரேன் மூலம் பேருந்தை அப்புறப்படுத்தி போக்குவரத்தை சரி செய்தனர். விபத்து சம்பந்தமாக போலீசார் விசாரணை நடத்தி வருகின்றனர்.