மணம்பூண்டியில் இறந்த குட்டியுடன் சுற்றித்திரியும் குரங்கு

விழுப்புரம் மாவட்டம் மணம்பூண்டி பகுதிக்கு உணவு தேடி ஏராளமான குரங்குகள் வந்து சுற்றித் திரிகின்றன. தற்போது வெயில்வாட்டி வதைத்து வரும் நிலையில், வெயிலில் இருந்து பாதுகாத்துக் கொள்ள அதே பகுதியில் 4 முனை சந்திப்பில் உள்ள அரச மரத்தில் குரங்கள் தங்கிக்கொள்கின் றன. இந்த நிலையில் வெயில் கொடுமையால் ஒரு குட்டி குரங்கு செத்தது. ஆனால், அந்த குட்டி குரங்கு செத்தது கூட தெரியாமல் தாய் குரங்கு அதை தனது மார்பில் சுமந்தபடி, மணம்பூண்டி பகுதியில் சுற்றித்திரிகிறது. இதுதொடர்பான வீடியோ சமூக வலைத்தளத்தில் தற்போது வைர லாகி வருகிறது. அதில் இறந்த குட்டி குரங்கிற்கு அதன் தாய் குரங்கு தண்ணீர் கொடுக்க முயற் சிப்பதும், தண்ணீருக்காக அங்கும், இங்கும் அலைந்து திரிவதுமான காட்சிகள் அதில் பதிவாகி உள்ளது. இவ்வாறு இறந்த தனது குட்டியுடன் தாய் குரங்கு நடத்தி வரும் பாசப்போராட்டம் காண் போரின் நெஞ்சை கரைய வைப்பதாக இருக்கிறது.