அயோத்தியாப்பட்டணம் அருகே வழிப்பறியில் ஈடுபட்டவர் கைது

சேலம் அயோத்தியாப்பட்டணம் அடுத்த மின்னாம்பள்ளி பகுதியை சேர்ந்தவர் சேகர், (வயது 52). பெயிண்டரான இவர் நேற்று காலை 8 மணி அளவில் சுக்கம்பட்டி பகுதியில் உள்ள உறவினர் வீட்டுக்கு சென்று விட்டு வீட்டுக்கு திரும்பி வந்து கொண்டிருந்தார். குள்ளம்பட்டி ஆலமரம் அருகே வந்த போது, சின்ன வீராணம் அருகே பனங்காடு பகுதியை சேர்ந்த சீனிவாசன் (37) என்பவர் கத்தியை காட்டி மிரட்டி, சேகர் வைத்திருந்த 1,500 ரூபாயை வழிப்பறி செய்து விட்டார்.

இதுகுறித்து சேகர் கொடுத்த புகாரின் பேரில், காரிப்பட்டி போலீசார் வழக்குப்பதிவு செய்து சீனிவாசனை நேற்று கைது செய்து விசாரிக்கின்றனர். பிரபல ரவுடியான காட்டூர் ஆனந்தன் கொலை வழக்கு உள்பட பல்வேறு குற்ற புகார்களில் அவர் மீது வழக்குப்பதிவு செய்யப்பட்டு உள்ளதாக போலீசார் தெரிவித்தனர்.