வலங்கைமானில் குண்டர் சட்டத்தில் ஒருவர் கைது

திருவாரூர் மாவட்டம் குடவாசல் சரகம் கீழ உத்திரங்குடி அருகே கடந்த 5. 9. 2023 ஆம் தேதி மர்ம நபர்களால் செந்தில் என்பவர் வெட்டி கொலை செய்யப்பட்டார். அவரது வழக்கறிஞர் அகிலன் வெட்டுக்காயங்களுடன் உயிர்த்தப்பினார். வழக்கறிஞர் அகிலன் கொடுத்த புகாரின் பெயரில் இந்த வழக்கில் தொடர்புடைய 18 நபர்கள் கைது செய்யப்பட்டு சிறையில் அடைக்கப்பட்டனர் .

மேலும் கடந்த 30 ஆம் தேதி இந்த வழக்கில் தொடர்புடைய நான்கு நபர்கள் குண்டர் சட்டத்தில் கைது செய்யப்பட்டனர் .இதனை தொடர்ந்து கொலை வழக்கில் தொடர்புடைய மற்றொரு குற்றவாளியான அப்பு என்கிற செந்தில்குமார் இன்று குண்டர் தடுப்பு சட்டத்தின் கீழ் கைது செய்யப்பட்டு திருச்சி மத்திய சிறையில் அடைக்கப்பட்டார்.