கார் மோதி சாலையை கடக்க முயன்றவர் பலி

சேலத்தில் இருந்து தர்மபுரி நோக்கி ஒரு கார் சென்று கொண்டிருந்தது. இந்த கார் தர்மபுரி மாவட்டம் குறிஞ்சி நகர் வள்ளலார் பள்ளிக் கூடம் அருகே வந்த போது தேசிய நெடுஞ்சாலையை கடந்த 40 வயது மதிக்கத் தக்க ஒருவர் மீது எதிர்பாராத விதமாக கார் மோதியது. இதில் அவர் தூக்கி வீசப்பட்டு சம்பவ இடத்திலேயே உயிரிழந்தார். இது குறித்து தகவல் அறிந்து சம்பவ இடத்திற்கு வந்த தொப்பூர் காவல் துறையினர் விபத்தில் அடிபட்டு உயிரிழந்த நபரின் உடலை கைப்பற்றி பிரேத பரிசோதனைக்காக தர்மபுரி அரசு மருத்துவம்னைக்கு அனுப்பிவைத்தனர். தொடர்ந்து இறந்தவர் யார்..? எந்த ஊரை சேர்ந்தவர்..? என்பது குறித்து தொப்பூர் காவல்துறையினர் வழக்குப்பதிவு செய்து விசாரணை நடத்தி வருகின்றனர்.