சேலம் அருகே கிணற்றில் விழுந்த தொழிலாளி உயிரிழப்பு
சேலம் வீராணம் அருகே விவசாய கிணற்றில் தவறி விழுந்த தொழிலாளி உயிரிழந்த சம்பவம் குறித்து போலீசார் விசாரணை நடத்தி வருகின்றனர்.
Update: 2024-01-22 05:26 GMT
பைல் படம்
சேலம் வீராணம் அருகே உள்ள டி.பெருமாபாளையம் பகுதியை சேர்ந்தவர் ராஜா (32). இவர் அந்த பகுதியில் உள்ள தனியாருக்கு சொந்தமான விவசாய நிலத்தில் கூலி வேலை செய்து வந்தார். அவர் நேற்று முன்தினம் அங்கு உள்ள விவசாய கிணற்றின் அருகே நடந்து சென்றுள்ளார். அப்போது அவர் தவறி கிணற்றில் விழுந்து தண்ணீரில் மூழ்கி பரிதாபமாக இறந்தார். இதுகுறித்து தகவல் அறிந்த வீராணம் போலீசார் சம்பவ இடத்திற்கு சென்று ராஜாவின் உடலை மீட்டு பிரேத பரிசோதனைக்காக சேலம் அரசு ஆஸ்பத்திரிக்கு அனுப்பி வைத்தனர். பின்னர் போலீசார் வழக்குப்பதிவு செய்து விசாரணை நடத்தி வருகின்றனர்.