பூசாரிபட்டியில் கார் மோதி இளைஞர் பரிதாபமாக உயிரிழப்பு

சேலம் மாவட்டம், ஓமலூர் அருகே உள்ள தாரமங்கலம் மிளகாய்காரனூர் பகுதியை சேர்ந்த பழனிச்சாமி என்பவருடைய மகன் அன்பு இவர் சொந்த வேலை காரணமாக பூசாரிப்பட்டிக்கு சென்றுள்ளார். அப்பொழுது பூசாரிப்பட்டி பிரிவு பகுதியில் தேசிய சேலம் பெங்களூரு தேசிய நெடுஞ்சாலையை கடக்க முயற்சி செய்துள்ளார். அப்பொழுது பெங்களூரில் இருந்து சேலம் நோக்கி அதி வேகமாக வந்த ஒரு டொயோட்டா கார் பலமாக மோதி அவர் தூக்கி வீசப்பட்டார். இதையடுத்து அக்கம்பக்கம் உள்ளவர்கள் உடனடியாக மீட்டு அவரை சிகிச்சைக்காக ஓமலூர் அரசு மருத்துவமனைக்கு ஆம்புலன்ஸ் மூலம் கொண்டு சென்றனர். அப்பொழுது அவரை பரிசோதனை செய்த அரசு மருத்துவர்கள் ஏற்கனவே இவர் இறந்து விட்டதாக தெரிவித்தனர்.இந்த சம்பவம் அறிந்த தீவட்டிபட்டி போலீசார் வழக்கு பதிவு செய்து தீவிர விசாரணை நடத்தி வருகின்றனர்.