அதிமுக முன்னாள் எம்எல்ஏ வாக்கு சேகரிப்பு

நாமக்கல் மாவட்டம் திருச்செங்கோட்டில் நாமக்கல் நாடாளுமன்ற அதிமுக வேட்பாளர் தமிழ் மணிக்கு ஆதரவாக அதிமுகவினர் மற்றும் தேமுதிகவினர் கூட்டணி கட்சியினர் என நகர பகுதிகளில் தீவிர சேகரிப்பில் ஈடுபட்டனர். திருச்செங்கோடு முன்னாள் சட்டமன்ற உறுப்பினர் அதிமுக பொதுக்குழு உறுப்பினருமான பொன் சரஸ்வதி தலைமையில் தினசரி மார்க்கெட்டில் உழவர் சந்தை மற்றும் நான்கு ரத வீதிகள் நகரப் பகுதிகள் என பல்வேறு இடங்களில் தீவிர வாக்கு சேகரிப்பில் ஈடுபட்டனர். திமுக அரசின் விலைவாசி ஏற்றத்தை மக்களிடையே எடுத்து கூறி துண்டு பிரசுரங்களை வழங்கியும் அதிமுக கழக பொதுச் செயலாளர் எடப்பாடியார் முதல்வராக இருந்த போது வரி உயர்வு மற்றும் விலைவாசி உயர்வுகளை கட்டுக்குள் வைத்திருந்தார் என்பதை எடுத்துக் கூறியும் தீவிர வாக்கு சேகரிப்பில் ஈடுபட்டனர். இந்த வாக்கு சேகரிப்பின் போது தேமுதிக மாவட்ட செயலாளர் விஜய சரவணன், நாமக்கல் மாவட்ட அதிமுக துணை செயலாளர் இரா முருகேசன், நகர செயலாளர் அங்கமுத்து, அதிமுக நகர மன்ற உறுப்பினர்கள் மற்றும் மகளிர் அணியினர் சார்பணியினர் என ஏராளமானோர் கலந்து கொண்டனர்