உழைப்பாளி மக்கள் கட்சி சார்பில் பாராளுமன்ற தேர்தல் குறித்து ஆலோசனை

கரூர் மாநகராட்சிக்கு உட்பட்ட ஜவகர் பஜார் பகுதியில் உள்ள தனியார் கூட்டரங்கில் உழைப்பாளி மக்கள் கட்சி சார்பில் பொது குழு மற்றும் செயற்குழு கூட்டம் இன்று கட்சியின் நிறுவனத் தலைவர் டாக்டர் ராமகோபால தண்டாள்வர் தலைமையில் நடைபெற்றது.

இந்த கூட்டத்தில் பொது செயலாளர் வெங்கடேசன், அமைப்புசாரா கட்டுமான தொழிலாளர் சங்கத்தின் பொதுச் செயலாளர் சரவணன், கட்சியின் பொருளாளர் ராமசாமி கட்சியின் துணைத் தலைவர் ராமமூர்த்தி உள்ளிட்ட கட்சி நிர்வாகிகள் கலந்து கொண்டனர்.

இன்று நடைபெற்ற பொதுக்குழு மற்றும் செயற்குழு கூட்டத்தில் நடைபெற உள்ள நாடாளுமன்ற தேர்தல் குறித்து ஆலோசனைகள் மேற்கொள்ளப்பட்டது. மேலும்,பாராளுமன்ற தேர்தலில் போட்டியிடுவதற்காக வேட்பாளர் தேர்வு குறித்தும் ஆலோசனை நடைபெற்றது.