நாகை மாவட்டத்தில் அதிமுக வேட்பாளர் வாக்கு சேகரிப்பு

நாகை மாவட்டம் திருமருகல் பகுதியில் அதிமுக வேட்பாளர் வாக்கு சேகரிப்பு திருமருகல் ஒன்றிய பகுதிகளில் நாகை தொகுதி அதிமுக வேட்பாளர் சுர்ஜித் சங்கர் நேற்று தேர்தல் பிரசாரம் மேற்கொண்டார். தமிழகத்தில் அதிமுக சார்பில் நாகை நாடாளுமன்ற தொகுதியில் சுர்ஜித் சங்கர் போட்டியிடுகிறார். ஏப்.19 ஆம் தேதி வாக்குப் பதிவு நடைபெறுவதையொட்டி, அவர் பிரசாரத்தை தொடங்கியுள்ளார். அதன்படி, திருமருகல் ஒன்றியப் பகுதிகளில் தீவிர வாக்குச் சேகரிக்கும் பணியில் ஈடுபட்டார். பூதங்குடி பகுதியில் பிரசாரத்தை தொடங்கிய சுர்ஜித் சங்கரை ஆதரித்து, அதிமுக கழக அமைப்பு செயலாளர் ஆசை மணி தலைமையில் ஏராளமானோர் இருசக்கர வாகனங்களில் பேரணியாக வந்து வாக்கு சேகரித்தனர். இதில் ஒன்றிய செயலாளர்கள் ராதாகிருட்டிணன், பக்கிரிசாமி, மாவட்ட பிரதிநிதி விநாயகசுந்தரம், மாவட்ட இளைஞரணி தலைவர் ராம்சந்தர், தெற்கு ஒன்றிய இளைஞரணி செயலாளர் சகாயராஜ்,ஜெயலலிதா பேரவை ஒன்றிய செயலாளர் ராஜேஸ்குமார், ஒன்றிய துணை செயலாளர் திருமேனி மற்றும் கட்சி நிர்வாகிகள், கூட்டணி கட்சி நிர்வாகிகள் பலர் கலந்துக் கொண்டனர்.