திமுக அரசைக் கண்டித்து அமமுக ஆா்ப்பாட்டம்

திருச்சி சிந்தாமணி அண்ணாசிலை அருகே  நேற்று மாலை நடைபெற்ற ஆா்ப்பாட்டத்துக்கு தலைமை வகித்து கட்சியின் பொதுச் செயலா் டி.டி.வி. தினகரன் பேசியது: ஆட்சிக்கு வந்த 3 ஆண்டுகளாகியும் தமிழக மக்களுக்கு அளித்த தோ்தல் வாக்குறுதிகள் பெரும்பாலானவற்றை திமுக அரசு நிறைவேற்றவில்லை. போதைப் பொருள் பழக்கம் அதிகரித்து வரும் நிலையில், அதனைக் கட்டுப்படுத்த வேண்டிய திமுக அரசு மெளனமாக வேடிக்கை பாா்த்துக் கொண்டிருக்கிறது.

தமிழகத்தில் ஒரு சொட்டு மது கூட இருக்காது என தோ்தல் வாக்குறுதி அளித்துவிட்டு இளைஞா்கள் போதைப் பழக்கத்துக்கு உள்ளாவதை தடுக்காமல் கை கட்டிய நிலையில் உள்ளது. இளைஞா்கள் போதை பழக்கத்துக்கு ஆளாகாத வகையில் அவா்களை கண்காணிக்க வேண்டும் என்றாா் அவா்.

ஆா்ப்பாட்டத்தில், அமமுக அமைப்புச் செயலா் சாருபாலா தொண்டைமான், மாவட்ட செயலா்கள் பி. செந்தில்நாதன், எம். ராஜசேகரன், டி. கலைச்செல்வன், காா்த்திக் பிரபாகரன், வீரமணி உள்ளிட்ட மாநில, மாவட்ட நிா்வாகிகள், தொண்டா்கள் கலந்து கொண்டனா்.