ஆதரவற்ற மூதாட்டியை மீட்ட அமிர்தம் சமூக சேவை அறக்கட்டளையினர்

திருச்சி உறையூர் வெக்காளியம்மன் திருக்கோவில் முன்பு ஆதரவற்ற 70 வயது மூதாட்டி ஒருவர் யாசகம் கேட்டு ஜீவனம் நடத்தி வந்துள்ளார். இந்நிலையில் மூதாட்டியின் உயிருக்கும் உடைமைக்கும் பாதுகாப்பு அளிக்க நடவடிக்கை எடுக்குமாறு அன்னதானம் முதல் அனாதை பிணங்கள் நல்லடக்கம் செய்து வரும் திருச்சி அமிர்தம் சமூக சேவை அறக்கட்டளை நிர்வாக அறங்காவலர் யோகா ஆசிரியர் விஜயகுமார், திருச்சி உறையூர் காவல் நிலைய சட்ட ஒழுங்கு பிரிவு ஆய்வாளருக்கு புகார் மனு அளித்தார். மனுவின் அடிப்படையில் உறையூர் காவல் நிலைய சட்ட ஒழுங்கு பிரிவு காவலர்கள், யாசகம் கேட்டு ஜீவனம் நடத்திவரும் சுமார் 70 வயது மதிக்கத்தக்க மூதாட்டியை மீட்டு, திருச்சி கங்காரு இல்லத்தில் செவிலியர் மீரா சமூகப் பணியாளர் ரியாசிடம் சேர்த்தனர்.