கொல்லங்கோடு அருகே அடையாளம் தெரியாத வாகனம் மோதி விபத்து

குமரி மாவட்டம் கொல்லங்கோடு அருகே கலங்கரை மேல்தட்டு பகுதியை சேர்ந்தவர் பிபின் ஜோஸ் (33). கொத்தனார் வேலை செய்து வருகிறார். நேற்று முன் தினம் இரவு சுமார் பத்து மணியளவில் தனது பைக்கில் வீட்டுக்கு சென்று கொண்டிருந்தார். அப்போது கொல்லங்கோடு அருகே வைத்து எதிரே வந்த அடையாளம் தெரியாத வாகனம் ஒன்று விபின் ஜோஸ் மீது மோதி விட்டு நிற்காமல் சென்று விட்டது. இதில் படுகாயம் அடைந்த விபின் ஜோஸ் சாலையோரம் கிடந்து உள்ளார்.  அந்த வழியாக சென்றவர்கள் இது தொடர்பாக கொல்லங்கோடு போலீசருக்கு தகவல் தெரிவித்தனர். போலீசார் சம்பவ இடம் சென்று விபின் ஜோசை பொதுமக்கள் உதவியுடன் மீட்டு மருத்துவமனைக்கு அனுப்பி வைத்தனர்.  தற்போது அவர்  திருவனந்தபுரத்தில் உள்ள போர்ட் அரசு மருத்துவமனையில் சிகிச்சை பெற்று வருகிறார். இது தொடர்பாக கொல்லங்கோடு போலீசார் வழக்கு பதிவு செய்து மாயமான வாகனத்தை தேடி வருகின்றனர்.