மாயனுரில் அடையாளம் தெரியாத முதியவர் உயிரிழப்பு

கரூர் மாவட்டம், மாயனூர், அம்மா பூங்கா எதிரே உள்ள சனா மண்டபத்தின் அருகே அடையாளம் தெரியாத 60 முதல் 65 வயது மதிக்கத்தக்க முதியவர் ஒருவர் உயிரிழந்து கிடப்பதாக மாயனூர் காவல்துறையினருக்கு அப்பகுதி பொதுமக்கள் அளித்த தகவலின் பேரில், காவல்துறையினர் சம்பவ இடத்துக்கு சென்று பார்த்தபோது, முதியவர் உயிரிழந்தது உறுதி செய்யப்பட்டது.

உயிரிழந்த முதியவர் யார்? எந்த ஊரைச் சேர்ந்தவர்? அவரது பெயர்? போன்ற எந்த விவரங்களும் கிடைக்கவில்லை. எனவே உயிரிழந்த முதியவர் குறித்து தகவல் தெரிந்த பொதுமக்கள், மாயனூர் காவல் நிலையத்துக்கு தகவல் தெரிவிக்க வேண்டுமென காவல்துறை சார்பில் வேண்டுகோள் விடுக்கப்பட்டுள்ளது.

இது தொடர்பாக தொடர்பு கொள்வதற்காக அலைபேசி எண் 94981 00791 என்ற எண்ணில் தொடர்பு கொள்ளவும் கேட்டுக் கொண்டுள்ளனர்.