திமுக சார்பில் அண்ணா நினைவுநாள் கடைபிடிப்பு

சேலம் கிழக்கு மாவட்ட தி.மு.க. செயலாளர் எஸ்.ஆர்.சிவலிங்கம் வெளியிட்டுள்ள அறிக்கையில் கூறி இருப்பதாவது:- தி.மு.க. நிறுவனர் பேரறிஞர் அண்ணாவின் 55-வது நினைவு நாள் வருகிற 3-ந் தேதி கடைபிடிக்கப்படுகிறது. வாழப்பாடியில் உள்ள மாவட்ட தி.மு.க. அலுவலகம் மு.க.ஸ்டாலின் அறிவாலயத்தில் காலை 9 மணிக்கு அண்ணாவின் உருவப்படத்துக்கு எனது தலைமையில் மாலை அணிவித்து மரியாதை செலுத்தப்படுகிறது. இதில் கட்சியின் மாவட்ட நிர்வாகிகள், மாநில நிர்வாகிகள் மற்றும் அனைத்து சார்பு அணிகளின் அமைப்பாளர்கள், துணை அமைப்பாளர்கள் உள்பட பலர் கலந்து கொள்ள வேண்டும். இவ்வாறு அதில் கூறப்பட்டுள்ளது.