மகளிர் மேல்நிலைப் பள்ளியில் ஆண்டுவிழா

சிவகங்கை அரசு பெண்கள் மேல்நிலைப்பள்ளியில் இன்று ஆண்டு விழா நடைபெற்றது. இதில் சிவகங்கை சட்டமன்ற உறுப்பினர் செந்தில்நாதன் கலந்து கொண்டு பல்வேறு போட்டிகளில் வெற்றி பெற்ற மாணவிகளுக்கு சான்றிதழ் மற்றும் பரிசுகளை வழங்கி மாணவிகளிடையே பேசும்போது மாணவிகள் அனைவரும் தன்னம்பிக்கையுடன் கல்வி கற்று அனைத்து துறைகளிலும் பணியாற்றி தனது பெற்றோர்களுக்கும், ஆசிரியர்களுக்கும் பெருமை சேர்க்கவேண்டும் என்றும், பொறுமை, சகிப்புத்தன்மை, நிதானம் இம்மூன்றையும் தாரக மந்திரமாக மாணவிகள் கடைப்பிடித்து வாழ்க்கையில் வெற்றி பெற வேண்டும் என்று பேசினார். மேலும் மாணவர்களின் கற்றல் திறனை அதிகரிக்கும் நோக்கில் சிவகங்கை சட்டமன்றத் தொகுதிக்கு உட்பட்ட அரசு மேல்நிலைப் பள்ளிகளில் படித்து பண்ணிரெண்டாம் வகுப்பில் அதிக மதிப்பெண் பெறும் மாணவர்கள் அனைவருக்கும் பத்தாயிரம் ரூபாய் பரிசு வழங்குவதாக அறிவித்தார். இந்நிகழ்ச்சியில் நகரச் செயலாளர் ராஜா, முன்னாள் சட்டமன்ற உறுப்பினர் நாகராஜன், மண்டல தகவல் தொழில்நுட்ப அணி தலைவர் கோபி மற்றும் ஏராளமான அதிமுக நிர்வாகிகள் கலந்து கொண்டனர்.