நாசரேத் அரசு பொது நூலகத்தில் பாராட்டு விழா

தூத்துக்குடி மாவட்டம் நாசரேத் அரசு பொது நூலகத்திற்கு கம்ப்யூட்டர் மேஜைகள் வாங்குவதற்கு நன்கொடை வழங்கியவர்களுக்கு பாராட்டு விழா நடந்தது. விழாவிற்கு வள்ளுவர் வாசகர் வட்ட தலைவரும், ஓய்வு பெற்ற வட்டாட்சியருமான அய்யாக்குட்டி தலைமை வகித்தார்.

மேஜைகள் வாங்குவதற்கு நன்கொடை வழங்கிய புனித லூக்கா சமுதாய கல்லூரி இயக்குனர் பேராசிரியர் ஜெயச்சந்திரன், சாலமோன் மெட்ரிக் பள்ளி தாளாளர் ஜமீன் சாலமோன் ஆகியோருக்கு நன்றி தெரிவிக்கப்பட்டது.

இதில் ஒய்வுபெற்ற பேராசிரியர் காசிராசன், எழுத்தாளர் ஆறுமுகப் பெருமாள், இலக்கிய ஆர்வலர் கண்ணன் உள்பட பலர் கலந்து கொண்டனர். நூலகர் பொன்ராதா நன்றி கூறினார்.