நெல்லையில் பஜனை குழுவினருக்கு பாராட்டு விழா

திருநெல்வேலி மாவட்டம் பாளையங்கோட்டை கேடிசி நகரில் உள்ள விநாயகர் கோவிலில் மார்கழி பஜனை குழுவினருக்கு பாராட்டு விழா இன்று நடைபெற்றது. கடந்த மார்கழி மாதம் முழுவதும் அதிகாலையில் நடந்த பஜனை ஊர்வலத்தில் பங்கேற்ற சிறுவர்கள் மற்றும் ஆன்மீகவாதிகளுக்கு செங்கோல் ஆதீனம் பரிசு வழங்கி பாராட்டினார். இந்நிகழ்ச்சியில் விநாயகர் கோவில் அறங்காவலர்கள் மற்றும் பஜனை குழுவினர் பங்கேற்றனர். நிகழ்ச்சியின் நிறைவாக இந்த நிகழ்ச்சிக்கான ஏற்பாடுகளை செய்த திருக்கோவில் பொறுப்பாளர் சிவன் பிள்ளை நன்றி கூறினார்.