உயிர் அறிவியல் துறையில் வெற்றி பெற்ற மாணவர்களுக்கு பாராட்டு 

தஞ்சாவூர் மாவட்டம் இராஜகிரி தாவுத் பாட்ஷா கல்லூரியில், உயிர் அறிவியல் துறை சார்பாக, கல்லூரிகளுக்கு இடையேயான XTRONICA - 2K24 என்ற போட்டிகள் நடைபெற்றது.  இதில் தஞ்சாவூர் மருதுபாண்டியர் கல்லூரி உயிர் அறிவியல் துறை மாணவ, மாணவிகள் கலந்து கொண்டு ஒட்டு மொத்த சாம்பியன்ஷிப் கோப்பையை வென்றனர்.  14 கல்லூரிகள் பங்கு பெற்ற பலவிதமான போட்டிகளில் கலந்து கொண்டு, முதல் பரிசுக்கான கோப்பையை வென்றனர். உயிர் அறிவியல் துறை சார்பாக 50க்கும் மேற்பட்ட மாணவ, மாணவிகள் கலந்து கொண்டனர்.  வெற்றி பெற்றவர்களுக்கு  கல்வி நிறுவனங்களின் தலைவர் கொ.மருதுபாண்டியன், கல்லூரி முதல்வர், துணை முதல்வர், உயிர் அறிவியல் துறை தலைவர்கள் மற்றும் பேராசிரியர்கள் வாழ்த்துக்களைத் தெரிவித்தனர்.