கலை பண்பாட்டுத்துறை சார்பில் இளைஞர்களுக்கான கலைப்போட்டிகள் - மாவட்ட ஆட்சியர் ஜானிடாம் வர்கீஸ் தகவல்

கலை பண்பாட்டுத்துறை சார்பில் இளைஞர்களுக்கான கலைப்போட்டிகள் நாகப்பட்டினம் மாவட்டம், தமயந்தி நடராஜன் மேல்நிலைப் பள்ளியில் தடைபெறுகிறது. மாவட்ட ஆட்சியர் ஜானிடாம் வர்கீஸ் தகவல் கலைத்துறையில் சிறந்து விளங்குகின்ற இளைஞர்களை கண்டறிந்து அவர்களை ஊக்கப்படுத்திட 17 வயது முதல் 35 வயதிற்குட்பட்ட இளைஞர்களுக்கு மாவட்ட / மாநில அளவிலான கலைப்போட்டிகள் தமிழ்நாடு அரசு கலைப் பண்பாட்டுதுறை சார்பில் நடத்திட அரசு ஆணையிடப்பட்டுள்ளது. இவ்வாணையின்படி நாகப்பட்டினம் மாவட்ட அளவில் 09.03.2024 அன்று கிராமிய நடனம் மற்றும் ஓவியப் போட்டியும், 10.03.2024 அன்று குரலிசை, கருவியிசை, பரத நாட்டியம் ஆகிய கலைப் போட்டிகள் நாகப்பட்டினம் நடராஜன் தமயந்தி மேல்நிலைப் பள்ளியில் நடைபெறுகிறது. 09.03.2024 அன்று கிராமிய நடனம் மற்றும் ஓவியப் போட்டியும், 10.03.2024 அன்று குரலிசை, கருவியிசை, பரத நாட்டியம் ஆகிய போட்டிகள் நடக்க இருக்கும் இரண்டு நாட்களும் காலை 10.00 மணிக்கு நடைபெறும். குழுவாக போட்டியில் பங்கு பெற அனுமதி இல்லை. தனிநபராக அதிக பட்சம் 5 நிமிடங்கள் நிகழ்ச்சி நடத்திட அனுமதிகப்படுவார்கள் குரலிசை போட்டியிலும் நாதஸ்வரம், வயலின், வீணை, புல்லாங்குழல், ஜலதரங்கம், பேண்டு வாத்தியம், மாண்டலின், கிதார், சாக்ஸாபோன், கிளாரிநெட் போன்றவை கருவியிசை போட்டியிலும், 5 வரணங்கள் ராகம் சுரத்துடன் 5 தமிழ்பாடல்கள் இசைக்கும் தரத்தில் உள்ள கலைஞர்கள் பங்கு பெறலாம். தாளக் கருவிகளான தவில், மிருதங்கம், கஞ்சிரா, கடம், மோர்சிங், கொன்னக் கோல் ஆகிய பிரிவுகளை சார்ந்தவர்கள் 5 தாளங்களில் வாசிக்கின்ற தேர்ச்சி பெற்றவர்களாக இருக்க வேண்டும் பரத நாட்டியத்தில் 3 வர்ணங்கள் மற்றும் 5 தமிழ் பாடல்கள் நிகழ்த்தும் நிலையில் உள்ளவர்கள் போட்டியில் பங்கு பெறலாம். கிராமிய நடனத்தில் கரகாட்டம். காவடியாட்டம், புரவியாட்டம், காளையாட்டம், மயிலாட்டம், கைசிலம்பாட்டம், மரக்கால் ஆட்டம், ஒயிலாட்டம், புலியாட்டம், தப்பாட்டம்(பறையாட்டம்) மலைமக்கள் நடனங்கள் போன்ற பாரம்பரிய கிராமிய நடனங்கள் அனுமதிக்கப்படும். ஓவியப்போட்டியில் பங்கேற்பவர்களுக்கான ஓவியத் தாள்கள் வழங்கப்படும். அக்ரளிக் வண்ணம் மற்றும் நீர் வண்ணம் மட்டுமே பயன்படுத்த வேண்டும். நடுவர்களால் கொடுக்கப்படும் தலைப்பில் ஓவியங்கள் வரையப்பட வேண்டும் அதிகபட்சம் 3 மணிநேரம் அனுமதிக்கப்படுவார்கள். மாவட்ட போட்டியில் முதலிடம் பெறும் இளைஞர்கள் மாநில போட்டிக்கு அனுமதிக்கப்படுவார்கள். மேலும் விவரம் வேண்டுவோர் あ600) www.artandculture.tn.gov.in என்ற இணையத்தளம் வாயிலாக பண்பாட்டுத்துறையின் பெறலாம் அல்லது கலை பண்பாட்டுத்துறையின் தஞ்சாவூர் மண்டல அலுவலகத்தின் தொலை பேசி எண். 04362-232252, 9655077051 என்ற தொலை பேசி எண்ணை தொடர்பு கொள்ளலாம். இவ்வாய்ப்பினை கலை திறன் மிக்க நாகப்பட்டினம் மாவட்ட இளைஞர்கள் பயன்படுத்தி வேண்டுமென மாவட்ட ஆட்சித்தலைவர் அவர்கள் தெரிவித்துள்ளார்.