விரட்டீஸ்வரர் கோவிலில் ஆருத்ரா தரிசன உற்சவம்

திருக்கோவிலுார் கீழையூர், வீரட்டானேஸ்வரர் கோவிலில் நடந்த ஆருத்ரா தரிசனத்தை முன்னிட்டு நேற்று முன்தினம் இரவு 7:00 மணிக்கு நடராஜர் சபையில் அனுக்ஞை, விக்னேஸ்வர பூஜை, புன்யாகவாசனம், கலச ஸ்தாபனம், பஞ்சாசன பூஜை, பஞ்சாஆவரன பூஜை, வேத மந்திரங்கள் முழங்க சிவகாம சுந்தரி சமேத நடராஜப் பெருமானுக்கு மகா அபிஷேகம், அலங்காரம், தீபாராதனை நடந்தது. நேற்று காலை நடராஜர் சிறப்பு அலங்காரத்தில் எழுந்தருளினார். பக்தர்களின் நமச்சிவாயா கோஷம் முழங்க சோடசோபவுபச்சார தீபாராதனை, திருவம்பாவை பாடப்பட்டு சுவாமி வீதிஉலா நடந்தது. பகல் 11:40 மணிக்கு திருவூடல் வைபவம் இதனைத் தொடர்ந்து பக்தர்களுக்கு பிரசாதம் வினியோகம் செய்யப்பட்டது. ஏராளமான பக்தர்கள் கலந்து கொண்டனர்.