மார்கழி மாத தேய்பிறை அஷ்டமி வழிபாடு

திண்டுக்கல் பத்மகிரீஸ்வரர் அபிராமி அம்மன் கோயிலில்மார்கழி மாத தேய்பிறை அஷ்டமியை முன்னிட்டு சகல ஜீவராசிகளுக்கும் படியளுந்தருளிய லீலை நிகழ்ச்சி நடந்தது. இதற்காக காலை முதல் கோயிலில் சிறப்பு பூஜை,வழிபாடுகள் நடந்தது. காலை 9:00 மணிக்கு பத்மகிரிஸ்வரர் அபிராமி அம்மன் வெள்ளி ரிஷப வாகனத்தில் பஞ்ச மூர்த்திகளுடன் எழுந்தருளினார். சர்வ அலங்காரத்தில் தீபாராதனை நடந்தது. பத்மகிரிஸ்வரர்,அபிராமி அம்மன், வள்ளி தெய்வானையோடு முருகன்,விநாயகர், சண்டிகேஸ்வரர் உள்ளிட்ட சுவாமிகள் தனித்தனி வாகனங்களில் 4 ரத வீதிகளிலும் ஊர்வலமாக வந்து பக்தர்களுக்கு காட்சியளித்தனர். அப்போது பக்தர்களுக்கு அரிசி பிரசாதமாக வழங்கப்பட்டது.